ما ترجع الـدنيا ولا ذيك الأزمان..
وقتٍ مضى بالعـمر محدٍ يرده..

شفت بحياتي ناس من كل الألوان..
ودك تفـارق ذاك وهـذا توده..

عـز الذي تلـقاه في قدر الأخوان..
يا قل ما تلقى خوي عند شده..

نـاس تـناسـونا من غيـر نسـيان..
ونـاس تذكـرنا مـن بعـد مـده..

ما تـعـرف الأنـذال إلا بمـيزان..
وقت الشدايد حين تلقى المصدّه..

أما الوفي الحر في كل الأحيان..
سيف على يمناك والموت حده..

افتـح له الصدر من دون بيبـان..
واطرح له بقلبي فرش ومخده..

وأنا الذي دايم للوصل عنوان..
طبع الوفي راسخ ما ينقلب ضده