صدمة تجيك من أبعد الناس تجرحك
يمكن تعديها بحسبة ثواني
لكن لاجتك من أقرب الناس تذبحك
عشان تنساها تبي عمر ثاني
ياقلب أنا كم لي أعاتبك وأنصحك...
وأقول لك ياقلب وأنت تعصاني
اتعب على اللى كل ماجيت يفرحك
لاتضيع أيامك ترى العمر فاني
اللي يبي يخسرك ماراح يربحك
واللي يبي يربحك لأجلك يعاني
واللي يبي يسترك ماراح يفضحك
يفضحك من يرضى عليك الهواني
واللى يبي يشتمك ماراح يمدحك
حتى لو إنك مجني تصير جاني
واللى يبي قربك لو أبعدت يسبحك
حتى لو إنك بحر مابك مواني
واللى يبي بعدك لو يدل مطرحك
ماجاك لو كنتم قراب المباني
إتعب على عيون إذا جات تلمحك
تلمح بنظرتها وقدرك معاني
ولاتقرب مبعد القلب تلفحك
هبايب الصدمات سم المحاني
صدمه تجيك من أبعد الناس تجرحك
يمكن تعديها بحسبة ثواني
لكن لاجتك من أقرب الناس تذبحك
عشان تنساها تبي عمر ثاني
ياقلب ريحني علشان أريحك
بيت الصحيح ولا بيوت الأماني
..
للشاعر : سعد صالح المطرفي
ليست هناك تعليقات:
إرسال تعليق